ព្រឹកថ្ងៃទី ១៧-ខែមិថុនា-ឆ្នាំ២០២៤ ឯកឧត្តម ស្លេះ ពុនយ៉ាមុីន សមាជិកព្រឹទ្ធសភា មណ្ឌលភូមិភាគ២បានអញ្ជើញសំណេះសំណាលជាមួយប្រជាពលរដ្ឋនៅវិហារឥស្លាមភូមិរកា សង្កាត់សំបួរមាស ក្រុងកំពង់ចាម ក្នុងឱកាសពិធីបុណ្យហាជ្ជីរបស់សាសនាឥស្លាម។ ឯកឧត្តមបានមានប្រសាសន៍ ការជួបជុំរបស់យើងនាពេលនេះស្ថិតក្នុងវិហារដ៏ស្រស់ស្អាត បរិយាកាសស្រស់ស្រាយសប្បាយ ងាយស្រួលក្នុងការប្រណិប័តន៍ធម៌ ស្របពេលដែលប្រទេសឥស្លាមមួយចំនួនលើពិភពលោកកំពុងញាំញីដោយសង្គ្រាម រស់នៅដោយភាពភ័យខ្លាចគ្មានទាំងកន្លែងប្រណិប័តន៍ធម៍ វិហារឥស្លាមត្រូវបំផ្លាញទាំងស្រុង។ នេះហើយដែលយើងត្រូវដឹងគុណចំពោះសម្តេចតេជោបិតាស្ថាបនិក ដែលបានបង្កើតសន្តិភាពជូនជាតិ និងប្រជាជនតាំងពីឆ្នាំ១៩៧៩ និងសូមអរគុណបន្តចំពោះសម្តេចមហាបរវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជាដែលទទួលមរតកការពារជូនប្រជាជាតិទាំងមូល។ ស្ថិតក្នុងពិធីនេះដែរឯកឧត្តមក៏បានប្រគល់សត្វគោចំនួន៧២ក្បាល និងសត្វពពែចំនួន៥៧ក្បាល សរុបជាថវិកា ចំនួន ៥៨,៥០០ ដុល្លា សម្រាប់យកសាច់ចែកជូនបងប្អូនក្នុងខេត្ត កំពង់ចាម។
